最真實的梅艷芳-她的電台專訪

2002年3月至4月演唱會期間雷霆881u　「今夜陽光燦爛　之芳心話」
主持：顏聯武　嘉賓：梅艷芳

<<芳心話(一) 開始>>

顏﹕你鐘意飲咖啡定係奶茶﹖

梅﹕奶茶。

顏﹕落幾多粒糖﹖

梅﹕唔。。好少研究。。

顏﹕兩粒糖﹖

梅﹕通常都係人地落完之後比我。。(笑)

顏﹕講開你最近的新碟入面的“兩粒糖”呢﹐我諗你既概念會最強烈的就係關於你的最近做完的個隻碟啦。(﹖)即係在呢一刻坐低﹐諗起最甜蜜的係邊一次呢﹖

梅﹕我最甜蜜呀﹖死啦﹐好係已經唔係好記得呢樣野啦喎已經。。好。好。。耐之前。Long Long time ago。。我諗係十年前啦應該。

顏﹕ 係唔係人大左﹐要求高左呢﹖

梅﹕ER。。可能可以應該咁樣講既。。即係越來越難乎合左你認為甜蜜的個種感覺。甜蜜就係。唔係物質架嘛。係心理上架嘛。係開心的。咁我諗個次拍拖係。。我人生來講係頗為定的一段時間。即係。。無論個男仔呀。。ER。。所有野係個一年內都好似好開心。

顏﹕有人話所有野都係相對的。感覺都係相對的。甜蜜就係對痛苦。即係你越甜蜜﹐之後係咪越痛苦呢﹖如困你自己個解釋。。你自己個睇(發)。。

梅﹕係呀﹗當兩個人分開的時候係痛苦的。但係好在那個時侯有工作啦。咁就變左工作既時候。。就可以今到個人。。所謂的痛苦冇咁深。。冇咁多的時候比你諗。。應該。

顏﹕你覺得做女人難唔難架﹖

梅﹕難﹗不嬲都難架啦﹗(顏﹕難係邊呢﹖) 難係。。好難討好呀。好覺得係一個女人的角度來講﹐好難去討好對方。即係男性啦我講。無論你拍拖個陣時點樣去討好個男朋友。點樣可以令到佢覺得你係一個事業型的女性啦﹐可以獨立啦﹐又可以好依賴佢﹐好小鳥依人啦。即係比佢有一個大男人的心態(失笑一聲)。咁。。作為以前的女人﹐我覺得佢地的忍讓性好強啦。即係一路落來﹐中國的傳統都係﹐個忍讓性呢。。其實一路都係講緊女人係忍男人之嘛。(顏﹕唔)男人容許有三妻四妾。咁﹐咁﹐咁個道理點樣來呢﹐就係忍LOR。咁而家我地一路主張女權﹐女權高LAR。男女平等LAR。咁但係呢樣野﹐無型中就一個相對就係﹐令女人呢﹐其實個生活係更困難架。因為呀。。無論佢對居企丈夫啦﹐定係對出面工作呢﹐佢都要令到比人睇到﹐唔係淨係男人至可以做到。我都得既。但令外一面﹐其實佢都想做一個。。普普通通的家庭主婦。即係開開心心的一個小鳥依人。邊個唔想做O者﹖但係而家個社會上係唔容許你咁做哎嘛。同埋。。我而家覺得好多男人呢。。通常都好多矛盾。。既想你係一個好獨立的事業型的女性。你可以照顧你自己的生活。但係又失驚無神地可以希望又比佢溫柔。咁唔知可唔可以話而家的男性﹐佢地的要求越來越高。

(歌﹕單身女人)

顏﹕拿﹐如果你頭先講角色呢﹐做太太呀﹐咁呀。。(梅﹕太太情人呀) 太太情人呀。。咁我地又跳番去“兩個女人”呢一隻歌。咁你又覺得如果係現實生活裡面呢﹐有時你話真係命運弄人又好﹐我地縮命論又好﹐瞑瞑中有主宰又好。現實生活裡面﹐我地假設﹐如果呢。。有兩個角色安排左比你﹐但你只可以擇一個角色﹐咁你會擇做太太的角色﹖定係做情人的角色呢﹖

梅﹕。。我估我兩個都唔擇﹗

顏﹕但如困係上天安排既呢﹖﹗又或者好似係命運安排左你。。

梅﹕我會走LOR。我試過架啦。我唔試過做人地情人。唔係因為對方有太太﹐係對方有女朋友呀。即係起嘛在知道之後我就已經走喇。其實我係好怕。我係好怕好複雜的。因為其實單對單﹐一對一﹐都已經好辛苦喇。仲要一對二﹗我覺得我攪唔掂呢D關係。我基本上我自己唔可以HANDLE到。我覺得我唔得。我冇乜呢一方面的才能呀。

(歌﹕相愛很難)

顏﹕咁你即係相信相愛很難架啦﹖

梅﹕相愛真係好難(帶點感觸)。

顏﹕難係邊呢﹖

梅﹕難係。。等大家了解。。去。。真係相愛個樣野LOR。而家好多時我地講相愛其實都係單方面會多D。可能男方多D﹐可能女方多D。好難話大家擺出來係一樣的。我愛你咁多﹐你愛我咁多。基本上我覺得相愛係假的。

顏﹕你經歷過未﹖。。曾經有比你相愛的感覺個D。。

梅﹕咪就係我頭先講過甜蜜個樣野。個件事就係因為覺得對方同你都係一樣付出咁多丫嘛。

顏﹕咁真係可遇不可求喎。真係如果回頭再去數佢﹐如果講感情﹐你得一件係你最刻骨銘心架﹖個段歷史會唔會係好大遺憾架﹖

梅﹕遺憾﹐我諗在人生入面都一定會有既。因為好多時都係。好多時都係大的遺憾未免少的遺憾(﹖)。。我諗呢D都唔算係遺憾既。人生有呢D咁既經驗可以算係一種點滴LOR。

(歌﹕相愛很難)

顏﹕在你認識的藝人裡面﹐或者在你認識的朋友裡面﹐舞技最精湛的係邊一個呢﹖係男性。。

梅﹕ER。。以前我鐘意睇郭富城。即係我覺得佢跳舞﹐佢係呢方面好有佢的天才。係個陣時佢仲係TVB﹐我講緊係。係TVB﹐就係做緊。。ER。。DANCER既。佢係。。佢呀真係﹐零零舍舍一個突左出來的。咁我諗呢方面應該係﹐我諗﹐佢既天份來既。即係﹐MM。。佢唔計較所有的野。你可以覺得佢以前的PERFORM (PERFORMANCE) 呢﹐係好盡心盡力既。即係佢在個台度唔理你點樣睇佢﹐但佢係盡心盡力的做。

顏﹕彈彈琴跳跳舞的劉德華的舞技係點呀﹖

梅﹕ER。。。大有進步(好爽直)。即係比起佢以跳的時候﹐而家佢跳係大有進步。同埋ER。。同埋我而家講緊係跳MODERN DANCE個D呢。跳得好好。

顏﹕同佢摟著跳舞的感覺係點架﹖

梅﹕冇真正諗過﹐因為個陣時都係拍緊戲。

顏﹕但係佢有講過喎。

梅﹕係咩﹖(淡淡的)

顏﹕佢話你好摟過吳君如架喎。(大笑)

梅﹕但係我真係好骨參參架喎﹗(開心) 我冇真正諗過﹐因為其實個陣時呢﹐我地拍戲的時候呢﹐個時間真係好緊迫呀。我地通常去到現場先至度舞步呀。要即刻記呀﹐即刻拍呀。係我心理上來講係一種壓力來的。因為好多人都會EXPECT左我跳舞唔會跳得太差啦。咁呀變左君如個角色就冇咁大壓力﹐因為大家都冇對佢有什何既期望 (開心的失笑了一聲)。

顏﹕咁但係如果睇番去你的歌裡面﹐“先謊夜談 ”呢﹐講下男女的感情其實。如果你有一個你好鐘意的男人﹐但係你發覺佢成日講大話既﹐ 你會點樣處理呢﹖

梅﹕我就真係會割愛LOR。我就真係情願痛一陣間﹐好過痛太耐時間。比我可能會比自己一段時間﹐可能三個月﹐六個月﹐但係我﹐即係比我拆穿左呢個西洋鏡之後呢﹐我真係會斬架啦﹐我會斬艦﹐我會走。

顏﹕但係我地真係咁需要知道個真相咩﹖知道個真相又有咩好處呢﹖

梅﹕唔係有冇好處的問題﹐而係咁落去係。。係唔可以生存的嘛﹗如困兩個人都係度講緊大話的話﹐我覺得唔可以永久。咁如果你唔在乎呢樣野係永唔永久既﹐咁就OK啦。但我在乎的係一段長久的感情。咁如果大家都真係講緊大話的時候。。

(歌﹕先謊夜談 )

顏﹕如果﹐我地輕鬆D去講丫﹐即係如果作為一個歌手﹐佢自己一定會有佢自己的相像力的。(梅﹕係。) 如果你要同一個名人﹐或者一個政客﹐或者一個歷史人物約會。(梅﹕呵﹗) 你會擇邊一個呢﹖

梅﹕可能會對住班古代個D人喎﹗(笑) (顏﹕得架。都得架。) 唔知呢﹖因為係我來講呢﹐我鐘意一D古代少少﹐大俠個D既野。一係李尋歡呀﹐李思松(﹖) 呀。。(笑)我什至乎紅花會的總舵主呀個D啦﹗即係個D人呀。可能我成日覺得我自己呢﹐唔應該活係現今呢個世上﹐即係我應該係以前個代個D人來架。我覺得個D人呢﹐唔。。有個樣野叫做。。大家堅信愛情個樣野LOR。。即係唔比﹐冇左承諾既。即係以前D人我覺得有。我可能鐘意睇小說。

顏﹕即是你鐘意有D俠義風範的人﹖

梅﹕係呀。

顏﹕現實生活裡面有冇﹖有冇撞過一D覺得佢真係有俠義風範架﹖

梅﹕有俠義風範﹐但係有隨而所之的就係。。我覺得佢地又太過即係以前個種楚留香個種﹐到處風流個D既(哈哈。。)﹐係會相對地的。見到有俠義風範的﹐有。但又相對地見到楚留香個種﹐到處留情﹐E。。男人就至風流架啦。呢D係咪叫做風流消洒呀﹖我唔知呢﹖

(歌﹕約會)

顏﹕咁但係你會睇男人﹐你會睇邊度呢﹖

梅﹕男人呀。。我諗會睇佢既肩膀LOR。

顏﹕點解呢﹖

梅﹕ER。。因為我覺得男人的肩膀就係佢一種的承諾。可能係錯誤的。即係如果肩膀會闊D呀﹐手臂有肉呀﹐即係你會覺得佢係會有胸襟好廣呀。。唔。。即係似一個男人LOR。

顏﹕其實你個“駁”好到直情得到夠晒分架Lu WOR。。(﹖)

梅﹕下﹗我個“駁”(肩膀)唔好啦掛﹖(笑笑)

顏﹕你覺得男人著乜野衫係最性感﹖

梅﹕ER。。我覺得最可以達得到男人的個種“味”力的話呢。。如果係一個後生的一個年青人呢﹐佢著T-SHIRT就最好睇既。如果係一個中年以上個D﹐咁最好睇就係著西裝﹐就唔好攪到自己好花巧。我覺得男人要清清地。白”SHIRT“衫。就好好睇架啦。

(歌﹕花生騷)

顏﹕咁如果係呢個FASHION SHOW 的舞台時呢﹐如果你睇女人你會睇邊一個部份呢﹖

梅﹕腳。我會睇腳。我會欣賞。。。一對好靚的腳﹐多過佢上身﹐多過佢好靚。即係我覺得﹐當然要均雲啦。梗係唔可以淨係得對腳靚﹐AND THEN上身岩岩參參。。咁梗係唔得啦。咁即係全身均雲的話。。基本上。。我睇女人﹐好多時呢﹐人地以為我係色情狂。即係我係街度呀﹐即係去外國又好呀﹐又或者係香港﹐有時我望女仔﹐我係會好定。。望住一個女仔。因為個件事我係作為﹐我係一個欣賞LOR。即係女人睇到一個咁樣﹐咁靚的身形呢﹐係天賜的一樣野。我覺得﹐即係如果有一對咁靚的美腿﹐就更加靚。

顏﹕咁你點樣睇你自己個條腿呢﹖對腳呢﹖

梅﹕下﹖。。。

(SOME LADY﹕我諗梅艷芳係一個素做性好高既女仔來的。因為佢的骨架就係一個衣架來既。佢的“ 駁”頭好平﹐著起D衫冇SHOULDER PAD都好係有咁既。著衫最理想的衣架子﹐我地叫。同埋佢腳長﹐著衫的PROPORTION 好好呀。

顏﹕你覺得女人著乜野最性感的呢﹖

梅﹕我覺得男人覺得個女人唔著就係最性感的。(笑) 但係我自已覺得ER女人最性感。。應該係。。ER。。唔知呢﹖。。我諗應該係在屋企的時候。即係著睡衣的時候。

顏﹕如果有一日呢﹐你流落荒島呢﹐咁呀你﹐四野無人啦﹐但你心裡面都會有一個渴望啦﹐若果比你可以碰見兩個路人﹐路人甲月啦。你會渴望呢個路人甲月﹐呢兩個路人甲月呢會係你認識的朋友裡面的邊兩位﹖

梅﹕千祈唔好大食的LOR。即係點樣呀。即係食埋我個份丫嘛﹗(大笑)

顏﹕如果係你識得圈內人之中呢﹐你覺得個荒島內面﹐遇到個兩位路人甲月﹐你會諗到係邊個﹖阿叻呀﹐阿倫呀﹐智偉呀﹖

梅﹕就千祈唔好係呢幾個添﹗(顏﹕係呀。。) 即呢幾個會分晒你所有的食物﹐AND THEN 又唔幫手出去找野食呀﹐ER又會大少爺咁樣呀。千祈唔好。我會找一D好勞動力的朋友啦。係我心目中有邊幾個呀﹖例如我以前的男朋友啦﹐趙文卓丫。個類型啦﹗即係好擔擔抬抬﹐好襟得諗個D啦。佢會照顧左你先丫嘛。咁呀﹐另外一個會係一個女仔啦。即係因為有時女仔會細心D既。我會擇。。羅美微(笑)。因為ER佢幾細心架﹗

顏﹕如果你係夏娃﹐對上帝有一個要求﹐你的要求會係咩呢﹖

梅﹕我會要求佢重新去做過一個夏娃。(顏﹕點做呢﹖) 因為而家係。。而家呢夏娃好被動呀我覺得。即係可唔歌以多一個選擇﹐唔係阿當丫﹖唔係淨係得阿當同夏娃。即係多一個選擇。而家好辛苦就係男的一定要擇女﹐女的一定要擇男。男同男人就係已經唔得啦。但近年呢個社會就慢慢地開始平等啦。但即係﹐比人的眼光都唔可能覺得係認同的。即係我要求上帝可唔可以創造多一樣。。男同女之間可唔可以多個物體呀﹖即係可唔可以多個CHOICE呀﹖FOR兩邊都好D丫﹐係咪呀。唔使咁局限LOR。唔使男人咁覺得我自己﹕你冇左我會死架。

(歌﹕夏娃夏娃)

顏﹕咁我又想問你﹐咁如果你自己題到你自己的新唱片的話﹐咁你﹐在你構思新唱片的時候﹐你鐘思發夢架丫嘛﹐你有好多理想。但真真正正的用將佢用行動來實踐的時候﹐係兩回事來架嘛。咁你覺得係你想像﹐同你真係用呢個計劃用行動去實踐的時候﹐係比你想象中容易丫﹖定係比你想象中因難丫﹖定係比你想象中是非多丫﹖又或更簡單呢﹖

梅﹕比我想象中容易左好多。因為當日我搆思呢一個畫面的時候呢(笑著)﹐其實只不過係我自己的一個DREAM來架乍。我唔知即係可以﹐可以實現得到。因為我成日都覺得﹐好多歌手﹐我鐘意的。但係唔同唱片公司。你點樣去攪得掂D唱片公司﹐其實係一個好因難。。比如﹐舉個例子﹐我同學友咁丫﹐我地大家咁熟﹐但都冇機會合作一隻歌。基本上我地好耐以前我地大家合唱左一隻﹐唔知大家仲記唔記得﹐千鶴神針入面個隻主題曲﹐但因為商業的原因﹐我地唔可以將個隻歌出碟。我其實我覺得係可惜的。因為個隻歌係我來睇﹐我覺得﹐大家都好有POWER(﹖) 咁呢。一路都遺憾左咁耐﹐到呢隻唱片入面我覺得ER有機會可以合作架﹐真係好開心LOR。但係冇諗過大家都咁順利去做一件事LOR。就要多謝我而家的呢一問唱片公司LOR。佢地都出左好多力既。同埋多謝一班歌手的朋友。佢地真係亳無。。好友誼到。。即係。。好順利呀件事都。爭左一樣野﹐就係要多謝各大唱片公司。

(歌﹕芳華絕代)

梅﹕總之我可以話比大家聽﹐大家睇﹐起嘛我每一晚都盡心盡力咁去做。

顏﹕點解你叫做ANITA既﹖

梅﹕我自己幫自己改的。

顏﹕幾時幫自己改架﹖

梅﹕好細個。個時我十幾歲。咁個陣時好流行個個都有英文名架。呀瑪利呀﹐呀LULU呀(笑)。。呀CINDY呀咁。即係我覺得﹐我番學個陣時呢﹐成日比人叫我中文名呢﹐即係頗。。我覺得。。我自己幾驚。。比人 “梅艷芳”咁架。。可能比人。。阿MISS叫我個陣時都唔方好野﹐咁我就想找個英文名﹐去代替左一個。。我覺得好刺耳的三個字。成日梅艷芳(芳字高音八度)﹗咁呢終於我係叉書的時候呢。。好興有D書呢﹐即係有英文名﹐跟住有解釋。咁我見到ANITA。一﹐就簡單啦﹐因為幾好寫。咁呢二就係﹐我唔記得入面個解釋就係。。ANGEL咁既﹐咁既意思呢。唔知乜野的女神咁。佢解釋的意思好靚。佢意景好似好靚咁。同埋好岩(對)LOR﹐ 我學得幾岩LOR。咁我就將。。我幫自己改左個名叫ANITA。

顏﹕咁你有冇動搖過架﹖即係有時名呢D都講流唔流行架嘛。。

梅﹕冇喎﹗我又覺得自己真係改得幾好喎。一﹐唔係好難叫啦。ANITA﹐又好似唔係好簡單咁好似。同埋我自己叫起上來都唔覺得好骨痺。咁我覺得幾好。

(歌﹕ANITA)

顏﹕有D咩日子對你來講你覺得特別有意義架﹖你的生日丫﹖你媽媽的生日丫﹖

梅﹕其實我覺得我以前好著重每個人的生日架。但係﹐隨?年齡的增長呢﹐我覺得生日每年都有架啦。無偷我自己又好﹐我已經唔係好著重。即係﹐好多時我當為﹐我當係一個聚會咁LOR。即係有好多朋友係一年都見唔到一次的。AND THEN找個藉口﹐會話係我生日呀﹐不如大家一齊食個飯啦。咁可能大家都有個。。啊﹗好忙呀﹐但係我都唔可以找EXCUSE呀話我唔得閒﹐我都會來LOR。即係找個籍口大家聚下架者。就算我覺得生日個意以經不大啦。即係我生日﹐就相對係我媽媽受緊難的一日。即係我覺得冇乜值得慶祝﹐個日係我媽媽辛苦個一日。即係如果我第日有兒女的時候﹐可能我都會﹐你第時生日唔使慶祝架啦。因為個日係你呀媽最辛苦個來的(笑)。

(歌﹕壞女孩)

顏﹕你有冇幸運數字﹖呢個係主觀的。即係你有冇特別對某一個NUMBER呢﹐係有一種親切感。。

梅﹕我的幸運數字﹐十號啦﹗因為我係十月十號生日架嘛。我記得個陣時參賽的時候﹐個陣時三月都好似係十號。即係十號係我自己覺得﹐可能唔係架﹐我自己覺得係一個LUCKY NUMBER。FOR 我。

顏﹕即係如果你參加D ANNIVERSARY DINNER呀﹐如果你拿到了一張抽獎卷係十號的話你都會好閏心架LA嘛﹖

梅﹕係呀﹗未必中架﹐但係會覺得好開心﹐個日成日都。

(歌﹕壞女孩)

顏﹕講下你的衣櫃。你的衫多得咁緊要。上次你開那一個﹐我睇報導話你開那個關於你個新唱片那個記者招待會﹐ 你著左DIOR個條裙﹐五萬幾銀架喎﹗

梅﹕係呀。

顏﹕你好捨得買衫﹖

梅﹕今次有SPONSOR既﹗(倆大笑) 但一路以來我都對衫方面幾情有獨鐘的。

顏﹕有幾多個衣櫃呀﹖

梅﹕張兩間房打通的。所以唔係有幾多個。。

顏﹕有幾多衫﹖

梅﹕下﹖﹗。。。冇數過喎。有D舊左就入左箱﹐找個地方KEEP 起左LOR。

顏﹕咩原因呢﹖你都唔會再用架啦﹗

梅﹕其實我覺得可惜係ER好多係在舞台出現過的衫呀。其實個D衫對於我來講﹐係有我一個回憶來的。但我又冇咁的地方可以放到﹐咁就唯有找箱﹐PACK 起佢LA。但過左一排﹐D衫呢就好似開始發梅呀。。又開始會有蟲蛀。但係我覺得﹐DUM(掉)﹐我又好唔捨得的。

顏﹕阿跑話﹐放D爆長在裡面可以辟架﹗

梅﹕係咪真架﹖(笑)

顏﹕係呀﹐佢講比我聽我都係咁的反應呀。但係我信佢。

梅﹕係咪呀。

顏﹕舊年佢番來的時候﹐同我傾計的時候。。。

梅﹕咁ER。。真係好可惜啦。我己經爛左咁多。

顏﹕講下鞋。你有幾多對鞋呀﹖

梅﹕百幾對。

顏﹕你又點樣處理你自己D鞋呢﹖

梅﹕有鞋櫃。即係當你見住一批批。。一批新的來既時候﹐你要找地方去擠。AND THEN 將舊個批要飛起左佢的時候﹐都係好難選擇架。

顏﹕你係唔捨得掉野的個D人來既﹖

梅﹕我係呀。我係。基本上我係一個。。(顏﹕慳呀。慳家。。)ERM。。唔係喎﹗如果講慳家的話﹐我就唔買咁多野啦。所以我係﹐我係。。ER。。點講呀。。我係盡量希望可以日後﹐以後的日子可能要用的呢(大笑)﹗。。即係潮流由其事﹐我地講的。潮流係好容易架之嘛。即係你地話八十年代﹐你地話好過時﹐而家己經番緊來啦又。己經係八十﹐七十年代啦又。但係而家睇番的話﹐個D又唔用得架啦其實又。即係差D野的。

(歌﹕妖女)

顏﹕講首飾丫。(梅﹕笑) 你有以幾多個首飾箱呀﹖

梅﹕冇喎(天真率直)。

顏﹕咁你D首飾點樣處理呀﹖你D首飾好大件的喎。

梅﹕哈哈。。你講D朱耳繩。。哈哈哈。。。

顏﹕唔好理個D係唔係朱耳繩丫﹐呢D都係首飾來架嘛﹗

梅﹕如果係呢D舞台個D首飾呢﹐我有一個就專FOR個D既。即係表演個D﹐好大件個D呢﹐一抽二抽個D呢。私底下我唔算自己有好多LOR。。

顏﹕私底下唔會見到你戴馬提咁大粒鑽石架丫嘛。

梅﹕唔會架。呀真係。我對呢樣野的嗜好呢﹐又真係唔係好大。

顏﹕即係私底下你對首飾呢個要求。。即係。。 (梅﹕好低﹗)

梅﹕即係其實我鐘意兩手抱抱架。即係我唔係好鐘意一抽二LUNG咁。

顏﹕咁即係如果有個男人送個鑽石比你呢。。

梅﹕OR。。咁睇下那個男仔係邊固啦﹗那個係定情信物﹐咁我就會。。好真惜啦﹗

(歌﹕慾望野獸街)

顏﹕繼續講下數字啦。你的腰圍係幾多﹖

梅﹕24-25倒(左右)啦。

顏﹕如困講到話你那個身型呢﹐你好似從來都冇乜點變過喎。。都KEEP 得咁FIT架
喎。

梅﹕唔係嘩。。有﹗(顏﹕有肥過﹖)有肥過﹗一百二十七磅。(顏﹕幾時肥過一百二十七磅﹖)就係個年宣報左ER。。咩。。最後告別演唱會(笑)之後。。

顏﹕即係冇晒壓力。。

梅﹕係呀因為我有一段時間呢﹐我離開左香港。(顏﹕咁你係咪最好睡呀﹖) 唔係喎。又唔關事喎。係我食野食得好多。即係可能係擺底左個包袱。(顏﹕有冇人見過呢﹖)有﹗褸尾我番左來香港的時候呢﹐咁我有出席一D頒獎典禮﹐咁我做頒獎嘉賓的。但係我睇番電視﹐我而家個餅帶都燒埋怨LA。。(大笑) 我仲係。。自己原來呢。。肥的時候呢係唔覺的。。我係唔覺得我自己肥左。

顏﹕我都唔覺得你有肥過﹗

梅﹕有呀﹗我睇完那個頒獎典禮之後呢﹐我就話比自己聽﹕唔該﹗(笑) 就算你唔做幕前都好﹐你唔可以咁樣架。即係實在自己都過唔到自己個關。個年係著窄(EMPHASIZED)身裙﹗AND THEN 就真係似個胡盧喇﹐不過係下身似個胡盧多D。即係龐大囉直情。

顏﹕其實個年係幾多年呀﹖等我找翻先。。

梅﹕我唔會話比你聽的﹗(大笑)

顏﹕我真係未見過你一百二十七磅的樣喎﹗

梅﹕真係﹖塊面係肥到有而家的DOUBLE﹗

顏﹕唔係呀嘛﹖呢個要找。。。來睇睇先﹗

(歌﹕慾望野獸街)

顏﹕梅艷芳的體重係幾多呀﹖

梅﹕而家呀﹖一零幾啦。。

顏﹕唔記得LA﹖

梅﹕一零一因為我好耐冇上過磅啦。

顏﹕咁你覺得你的標準體重應該係幾多呢﹖

梅﹕其實係一百一十五呀係最好的。但係我而家係少左十磅。

顏﹕唔。OK。。

<<芳心話(一) 完>>

View My Guestbook :: Sign My Guestbook