最真實的梅艷芳-她的電台專訪

2002年3月至4月演唱會期間　雷霆881　「今夜陽光燦爛　之　芳心話」
主持：顏聯武　嘉賓：梅艷芳

<<芳心話(三) 開始>>

顏﹕梅﹐你好呀﹐你好﹗

梅﹕你好。(笑)

顏﹕喂﹐係你個ANITA MUI FANTASY GAME 2002 呢你有一首“WONDERFUL TONIGHT”。咁就係ERIC CAPTAIN 的歌啦。咁我想問呢。呢首歌係個陣時的舞台監製要你擇丫﹖又或係你自己擇架﹖

梅﹕ER。。我自己覺得。。(好爽地說)我自己簡(選擇)既。我鐘意呢隻歌同埋又。。覺得得個隻歌昏意竟囉。(笑)

顏﹕咁但係另一方面呢﹐我想問你呢﹐除左呢一首英文歌之外﹐你最鐘意的係邊一首呢﹖

梅﹕THE ONE YOU LOVE。

顏﹕The One You Love。點解咁鐘意呢一首呢﹖Glen Fly 的The One You Love。

梅﹕唔知呢﹖好直接既。因為我﹐我﹐我﹐我對於一樣野好鐘情呢﹐我可以好專一地好耐。呢因為呢隻歌我鐘意聽左好耐呀。但係唔知點解我真係咁鐘意架。

顏﹕The One You Love令你諗起咩呀﹖

梅﹕EMM。。有少少SAD既畫面。。但係。。SAD得來又好真實的。。(笑)

顏﹕但係又好似又有乜壓力咁囉呵﹖

梅﹕係啦。

顏﹕但係裡面又有D張力囉呵﹖

梅﹕YA。

顏﹕係咪有D拉拉扯扯的感覺﹖究竟係咪有一種猶疑未決的感覺囉呵﹖

梅﹕猶疑啦。。係。

顏﹕人生有時都係就真係咁架啦。。

梅﹕唔知係咪。。人就係。。鐘意被虐待架呢﹖(笑)

顏﹕但係有時人要係個少少的痛苦之中﹐先至感到真實的存在呀。快樂的時候呢﹐快樂的時候D人話﹕我究竟係唔係發夢呢﹖

梅﹕唔真實啦。。

顏﹕唔真實呵﹖。。但當自己真係好傷心的時候呢﹐唔會講呢一句呀﹐我係咪發夢呢﹖

梅﹕我記得呢﹐即係你﹐你﹐你﹐你痛呢。。當一樣野HURT到你的時候呢。。你真係痛啦﹐你真係個心痛架。我唔知你有冇咁既感覺。。(顏﹕梗係有啦。。我都係人來丫嘛) 我。。(倆笑)就真係試過有幾次呢就真係痛到呢﹐投(呼吸)唔到氣呀。。(顏﹕呀會架。。會架。) 即係個剎那呢你真係覺得。。下。。完來人真係可以。。唔使用任何武器既。係可以傷你傷到呢你真係投(呼吸)不到氣呀。

顏﹕呢一種痛係唔係會令到我地繼續上路個陣時會怕呢﹖

梅﹕都未必。

顏﹕但係個種痛真係刻骨銘心架喎。。

梅﹕係刻骨銘心。。

顏﹕你講得幾岩丫﹐即係有D人﹐未必會懂得去形容個種痛呢﹐係痛到投(呼吸)唔到氣既﹐即係個剎那之人間。

梅﹕係呀。。係啊係呼吸因難架。你直情係直情﹐你想去反駁﹐又或者係去想做任何野呢﹐但你都直情係欠缺力量呀。。你直情係想休克呀﹗(笑) 可唔可以用一個字去形容﹕休克。

顏﹕咁係既﹐咁有時呢種痛的感覺存在過的時候呢﹐係會令我地更加珍惜快樂的時候囉。

梅﹕但快樂的時候呢﹐你又唔覺得(笑)真係快樂。即係我覺得呢快樂的那個意景呢就係你呢一刻你希望去追求更快樂﹐即係冇盡頭架。其實就係。AYE。。好甜蜜﹐你唔會覺得係。。叫做最最甜蜜呢。。你唔識﹐但到你痛的時候呢﹐你又會真係痛到覺得自己死喎﹗(笑)

顏﹕但係有幾次真係有呢一種感覺﹐講其中一次來聽下得唔得呀﹖

梅﹕好難舉例既。。(顏﹕講起又痛下嘛﹖) (倆笑)下。。即係。。要係個剎那﹐我諗係﹐最直接地﹐同人地﹐即係梗係同你最親密那個人啦。當你嗌交。。我都話喇真係。相嗌就真係唔好口啊。嗌交個陣時真係咩都可以講得出啊。當你平時佢﹐佢會覺得你呢個係優點的時候呢﹐嗌交﹐就會變成呢個係﹐佢既最大武器就係﹐你既缺點呀。

顏﹕咁如果你覺得者係﹐係﹐係﹐親密的朋友的關係裡面﹐即係包括係﹐唔係只是情侶的﹐ 好好的朋友啦。你覺得你最容易比人攻擊的係你邊一個部份呢﹖

梅﹕(沉默了二秒)咪就係D人話ER。。我成日。。(顏﹕最傷到你的係邊部份﹖) 我成日以為我好。。我做得好好架啦。。即係我可以PROTECT晒人地呀﹐去。。做晒所有的野呀。。以為人地會好APPRECIATE的時候呢。。ER。。原來對方唔係咁樣睇囉。。對方只係覺得你是一個霸權。(倆大笑)

顏﹕唉。。咁就真係投(呼吸)唔到氣架喎﹗

梅﹕即係你係覺得冇頂(地方)去訴呀。。咁辛苦係。。下﹗我晒(浪費)左咁多精神﹐我用左。。花咁多心思。。我幾日唔睡覺。。我已經咁忙的時候。。我做晒所有野。。然後最後﹐聽到一句說話﹕你以為你好偉大咩﹖你只係係度霸權之嘛。。

顏﹕死啦﹗好彩我地未做人父母。

梅﹕啊﹗我諗。。 (顏﹕有時係子女成長的過程裡面都可能會講D咁既說話。。) 絕對會呀。尤其是而家呢個﹐呢個新既一代呢。。既人呢。。(顏﹕不過說話就唔好係咁。。你頭先都話過啦﹐相嗌就唔好口之嘛。。衝口而出的說話唔可以作準的。。) 咁又係。。即係最緊要都係。。慢慢去識得APPRECIATE囉。。

顏﹕你覺得到而家呢一刻唯止﹐你聽過最動聽的一句說話係一句咩既說話呢﹖

梅﹕動聽呀。。 ER。。當你做左好多野的事候呢。。都好想人地同你講聲﹕你為我做左咁多野﹐我好感動呀﹗咁囉。。

顏﹕咁有冇人講過呀﹖

梅﹕有既。。哈哈哈。。。

顏﹕哦。咁都好D﹗。。有冇分別呢﹖定係都仍然一樣(咁鐘意呢隻歌)﹖

梅﹕都仍然一樣。唔知啊。。我好鐘意前面那個SAXAPHONE。。個段。。

顏﹕係呀。。就係因你鐘意SAXAPHONE﹐所以你好鐘意KENNY GEE﹖

梅﹕YA。呢個都係原因之一來既。

顏﹕但係另一方面你有冇一D歌﹐你自己一直係度找﹐找到而家都未找到架﹖

梅﹕我自己唱﹖你講。。(顏﹕即係人地的歌呀。) 鐘意聽人的歌呀。(顏﹕唔。可能係度找找找丫有時。可能是你係細個的時侯聽過的一首歌﹐咁可能夠一路可能你大左﹐你有你忙的時候﹐可能行唱片鋪都少左﹐甚至電台已經唔再播個D歌。。) 都唔會既﹐電台都會有播既。。睇下咩野時分。。(笑)深宵的時候囉﹗深宵時分的個D電台節目呢。。通常都係﹐我好大部份時間都會聽架。

顏﹕你現家睡不著咩﹖

梅﹕哦都唔係。。

顏﹕哦。OK。咁都好D。。頭先首歌裡面呢就有個講到﹐究竟你拿定主意未呀﹖即係個D咁既﹐究竟你鐘意邊個。即係其實你。。

梅﹕就係人生啦。。(笑)

顏﹕你倍回過係兩者之間未呢﹖

梅﹕我唔可以否認囉﹗我試過(過字漸高音)﹗

顏﹕你點樣去處理呢﹖倍回過係兩者之間﹖

梅﹕亦都係猶疑不決囉﹗(笑)

顏﹕乜野令到我地猶疑不決呢﹖

梅﹕睇下先啦﹗ER。。

顏﹕應該係等緊第三個﹐係唔係呢﹖

梅﹕唔係羅。因為兩個都有各自的優點。其實你都係想睇下邊個會再比多少少啦。再比多少少啦。咁我就會落實架啦。即係大家又好似差唔多咁。咁你鐘意佢地的時候﹐又好似差唔多喎。唔就死喇﹗我成日最怕就係呢D感覺。我真係好怕拖拖拉拉。即係。。係啦。。兩個人的世界﹐唔應該有三個人的存在。

顏﹕但有陣時﹐我地未真正落腳的時候。。

梅﹕但我話比你聽。。女仔。。第一﹐就係好鐘意同一時間有人爭既。即係咁先覺得自己矜貴。唔知呢。。我諗男仔﹐又或者希望可以佢個女朋友有人爭下啦。。(笑) 瘦田冇人耕﹐耕開有人爭。。

顏﹕咁又係。。比人爭的感覺﹐矛盾得來又有少少甜蜜既。。

梅﹕矜貴D囉覺得。。

顏﹕矜貴得來又有少少苦惱囉。。

梅﹕個種苦惱係。。好多人好鐘意的。

顏﹕但係最終點呢﹖

梅﹕最終﹖兩個都冇囉。(笑)

顏﹕點解呢﹖

梅﹕我走左去。

顏﹕點解你真係唔想擇呀﹖

梅﹕我唔想擇。因為對兩個都唔FAIR。

顏﹕因為其實對﹐因為參悔左來講﹐我地係覺得。。即如你頭先所講的就係。。比多D啦﹐比多D啦。再盡多D努力啦﹐或者我就真係得架啦。咁但係﹐咁即係差啦﹗即係差D野啦就係。(梅﹕笑) 即係差D野就即係唔足夠啦﹗即係覺對方仲未去到自己既﹐個標準啦。(梅﹕Hac Ha..)咁有時係呢種情況﹐另外有第三個人出現呢﹐可能會好好架喎。

梅﹕那個第三果個最吃香囉會。。可能會係。

顏﹕試過未呀﹖

梅﹕通常既。。但係我走的原因唔係因為個第三那個係度囉。係因為我覺得﹐我走左去呢。。呢個POOL呢。。咁大家都冇咁辛苦呀。

顏﹕點走架﹖粒聲唔出咁走丫﹖講清楚咁走丫﹖定係。。

梅﹕唔係呀﹗失蹤啦。

顏﹕突然間失蹤呀。電話又換埋呀﹐找我又唔係度個D呀﹖

梅﹕係呀。。我真係會係咁架。我唔以講我自己係逃備。。因為我講唔出口呀。因為我從來唔可以。。唔想一句說話會可以﹐去HURT到一個人囉。所以我咁樣講可能。。無論個男仔係唔係好鐘意你啦﹐但無人會想聽到呢一句說話。即係無人想話﹐比人DUM(掉)架嘛﹗咁。。

顏﹕唔好話比人DUM(掉)﹗唔適合者。。

梅﹕唔係呀。個男仔個方面呢﹐佢會覺得﹐比個女仔唔要佢﹐幾冇面的樣野來的嘛。咁我會做到呢唔關個男仔事的﹐又唔我要人。即係。。最直接的一句﹐我失蹤者﹗

顏﹕但係你覺得分手﹐最HURT的一句係句咩說話呢﹖

梅﹕唔。。我覺得和平分手係OK架啦。即係禾祈唔話嗌交﹐嗌到話。。唔想再見到你呀咁樣。即係呢樣野係﹐唔好講囉。然後大家互相數缺點﹐數完之後就﹐唔﹐我以後唔想再見到你呀。。。唉﹗朋友都唔可以講呢句說話啦。係咪﹖。。因為我地唔可以抹殺既大家既就係﹐我地將來可能有個機會。。呢個世界好細架乍其實。。你話好大又得﹐其實佢就係好細。我地可以撞到既機會實在有好﹑好﹑好大機會。咁第日。。撞到。。都係朋友一個者。何必要咁決絕者。。我覺得係﹐清楚係岩既。撇“TUTE”係岩既。。唔洗要去到。。咁HURT 到大家。

顏﹕對於生活上﹐我地有疑問。。ER。。我地對別人亦會存在一D既懷疑﹐存在有D既存測。而係你身邊的人﹐係你認識的你入面﹐亦都會對梅艷芳﹐既又有一D既問題。ER。。有陣時﹐有一位時裝計師呢﹐佢唔識你架﹐但係佢都對你有一D的問題。

梅﹕你有冇問佢係D咩問題呀﹖

一位時裝計師﹕如果要問佢呢﹐我唔會問佢D咩野﹐我只係會一個SUGGESTION佢。就係話﹕不要理會人地點樣去睇佢﹐我地成日有句說話呢就係﹐They don't pay your bills, alright?..個D人呢﹐講野批評你呢﹐係唔需要經過大腦亦都唔需要付D咩責任既。我覺得你唔需要理會呢D咁既人丫。只要你自己覺得﹐你同呢個人一齊係開心既﹐FINE﹗洗乜要理會其他的人點樣去睇你者﹗如果我想問佢D野﹐我會想問佢﹐D咩會係佢既IDEAL MAN。乜野會係佢的所要找的男人的。以我睇佢﹐佢好似個個男人都唔同型既﹗好似佢自己都唔知自己係鐘意D咩咁既。通常我唔知呢﹐好似你鐘意開個類型的男人呢﹐咁你都會ATTRACTED TO 某一類型的人架丫嘛﹐係咪呀﹖好似感覺到佢好似每個BOYFRIEND 都唔同型架喎﹗我好想問佢﹐你最理想的男人究竟會係點樣﹐又或你係會隨遇而安﹐如果邊個對你好﹐你就會FALL IN LOVE WITH 那個人呢﹖

顏﹕呢個係JUDY MAN。

梅﹕哦﹗哈。哈哈。。JUDY。ER。。呢個問題﹐對於我﹐基本上好多人問過我架喇﹐點解你。。咁多唔同類型既﹖我覺得呢其實我就係。。其實係一種緣份啦﹗即係好難去SET到一個﹐EH﹐你鐘意那個類型。咁我又可以話比你聽﹐我鐘意D好SPORTY既。但係﹐咁好SPORTY係咪又即係要SET左係某一樣野呢﹖。。唔一定既。一個做OFFICE的人﹐佢都可以好SPORTY的。只不過係佢平時打TIE﹐著西裝﹐咁但係佢都有好運動型的一面架丫嘛﹗咁我覺得人與人之間係一種緣份。眼緣又好。。咩緣份都好啦。你第一眼見到佢﹐你有那個緣份的感覺﹐你就自然會發展落去。咁第一眼﹐你冇那個感覺﹐根本你又唔會再有下回架啦。即係咩。。唔會再有繼續。

顏﹕咁又係呀。第一眼係重要。只不過﹐第一眼可以係一個成功的開始﹐但第一眼又或者可以係一個錯誤的開始既。

梅﹕咁但又唔可以話係對定錯既。。(顏﹕咁又係既) 就算結左婚都可以錯既(顏﹕咁又係﹐咁又係)

顏﹕合眼緣既﹐我地的品味係會隨時變既。

梅﹕隨年齡都會變架。(笑)

顏﹕係。係我地會變架丫嘛﹗即係你以前鐘意的係外型上覺得好SPORTY既﹐就覺得好SPORTY。但今日可能係好骨子裡的SPORTY。係嘛﹐你覺得佢著住西裝打住領TIE的深住小小既那個古銅色的膚色的﹐佢那D皮膚散住的神彩。即係可能係你細個的時候呀﹐未必懂得去睇呢D既。

梅﹕ER。。係呀﹐係呀﹐我覺得(好爽地)。我諗直。。EXACTLY你講呢樣野。即係有D人你睇來好HEALTHY﹐即係你見到佢係﹐佢係一個好健康既。咁呢個以經係比我一個好好的印象。即係話。即係我。。ER。。自己既體質就係比較弱既。即係我﹐我鐘意你地健康D呀。

顏﹕咁你話你體質弱﹐咁就提番起你﹐你今年﹐年中那個演唱會﹐冇番咁上下體力﹐都幾難做喎﹗由個BAND一開始﹐即係你由果個下。。那個。。ANCHOR。。我地叫做咩呀。。即係我地叫咩呀。。真係唔識。。即係。。船果個叫咩呢﹖我都唔識。 ANCHOR即係叫咩呢﹖英文我就識﹐但中大我就。。唔緊要﹗即係你坐住那個野落來的時候﹐一掂地你就未停過喇。真係想問﹐你D體力究竟係從邊度來的呢﹖睇你瘦瘦的(梅﹕UN挑鬼命)嘩﹗就真係﹐未停過喎﹐就真係(梅﹕笑)跑均全場呀﹐身水身汗呀﹐氣都唔使“存”(Doesn't lack a breath)的﹐ 可以繼續唱下去既。梅﹕ER。。我諗有一半係意志力啦。。。體力我都有既。。之前我都有去﹐去﹐去跑步呀﹐即係都呀有KEEP住做運動。咁另外一半就真係靠意志力的。咁以前做三十場個陣時都係咁架啦。後期個半段﹐就真係﹐做左十幾二十場的時候﹐後面都係﹐靠意志力架乍。

顏﹕係﹗其實你今次你所指的就係你今次呢個演唱會﹐對於你來講﹐舞台的表演來講呢即係可以話係一個突破來的。即係你以前唱下﹐中間都會有D位比自己。

梅﹕唔係以前的演唱會個方式係咁樣丫嘛。但其實一路我自己都唔係好鐘意講野太多架其實。但係原來香港的觀眾呢﹐佢地覺得你唔講野係同佢地唔夠溝通架。即係你有你表演﹐佢有佢睇﹐都真係兩回事。你最好同佢講多D野(失笑)。我。。今次做完左之後呢﹐會發覺﹐係啦。。唔係有好多人。。ER。。真係會接受我那個表演。。即係今次個演唱會那個方式架。其實我係想﹐一氣呵成的。

顏﹕係丫﹗絕對你係做到一氣呵成丫﹗但係。。。你頭先提過的一段野就係﹐孿多時某部份的觀眾來講﹐佢地真係好多時想睇到你傳統的演唱會的時候呢。個歌手週圍握手呀﹐週圍你好媽﹖你今晚吃左飯未呀﹖你鐘唔鐘意我呀﹖我靚唔靚﹖呀咁。。其實對於你來講﹐你係咪會使容易做呀﹖

梅﹕基本上係。打招呼﹐然後講番十五分鐘野。

顏﹕番你最初講心痛的那種感覺。。我為你做左咁多野﹐原來你覺得我霸權架﹖ (倆大笑) 但唔係既。雖然係咁講﹐但絕對相信有好多人好欣賞﹐我係其中一個。(梅﹕多謝。)欣賞你﹐係因為你在背後真係花左好多的努力架丫嘛。我睇左五場呢﹐我發覺﹐真係冇乜人可以做得到架﹐係香港。(梅﹕笑)真係我唔知呀。。在那個MOMENT之前呢﹐咁大膽的做法同埋咁既氣力呢﹐咁既自信呢。(梅﹕難做架)絕對難做。絕對睇得出呀。

顏﹕係我之前仲問佢地﹐你D舞幾時排架﹖你好似臨開SHOW之前個日都仲係度排緊架喎﹗(梅﹕開心笑) 唔係。。未﹐未﹐未真正踩台板架喎﹐因為睇你的第一場。。。睇第一場已經係咁架喇﹖有時外國下。。係你的工作中都可能有時下。。衝出香港以外架啦下。。知唔知外國人要做一個SHOW要花幾長的時候呀﹖

梅﹕一年。連埋PLANNING呀﹐所有野呀﹐REHERSAL。

顏﹕OK。即係如果比佢地知道﹐你係咁樣做一個SHOW的話﹐可以係一件好事﹐可以亦都係一件壞事。好事就係話﹐哦﹐原來咁都得架﹐可以做到架。

梅﹕嚇死佢地呀其實﹗

顏﹕係呀﹐係呀。即係原來咁都可以得架﹖﹗

梅﹕嚇死佢地囉。。

顏﹕壞事就係﹐佢地以話﹐咁就可以得架LU﹐嘩﹗即係﹐睇唔到裡面﹐你係花左咁多的心血﹐同埋你係日積月累的經驗呀等等。。

梅﹕係呀。。ER。。其實講聰明呀。。又唔以講話係聰明既。。香港人的那種適應能呢﹐係絕對比外國人強好多。我唔係淨係講我。香港拍戲﹐去到外面呢﹐D外國人係﹐目定口呆呀。即係佢地見到我地吊威也那種恐怖的做法呢﹐係佢地從來未見過架。我地真係個個都﹐親身上陣架喎﹗即係你識打唔識打﹐有冇咁既底子都好啦。基本上﹐個個﹐可以自己做到的都個個自己做番晒。

顏﹕所以話﹐我的感動就係在於一樣野囉。就係話﹐我提過﹐你可以用到的一樣野就係同D觀眾握下手呀﹐今日食左飯未呀﹐我靚唔靚呀﹐喂﹐呀你帶你女朋友來睇呀﹖週圍握手。你絕對可以做到個咁的SHOW﹐佢地亦都係會好滿意﹐你亦都知道呢D係唔得的。即係你係捨易取難囉。你肯去試囉。即係我覺得﹐在香港那個從事表演藝術的人來講﹐係值得鼓掌架囉。如果咁多人係願意去嘗試的。因為觀眾係需要教育。

梅﹕係。等佢慢慢來啦。等佢慢慢去接受。其實呢個都係我一個一路的輔(PO)排來的。。因為我成日話希望可以做到MUSICAL。咁呢個而家唔係好普及化。而家好少觀眾可以坐定定由頭睇到落尾﹐而佢中間唔去洗手間的。即係幾難的(笑)。即係咁樣咪要。。開始要做呢樣野﹐中間冇講野位既。咁你幾何會睇到個MUSICAL中間會停一停丫﹖十五分鐘個D BREAK TIME 會有囉。係咪丫﹐即係你大家去小息﹐等大家去﹐去下洗手間﹐去飲杯野﹐會有。

顏﹕但係你仲係度籌備緊丫嘛﹖

梅﹕我仲係度諗緊。

顏﹕諗緊的係體力的問題丫﹖錢銀的問題丫﹖

梅﹕唔係﹐唔係﹐唔係。。

顏﹕定係老闆頭支(INVEST)的問題丫﹖

梅﹕頭支係一個最重要啦﹗咁你點樣去令到呢個頭支者係有信心囉。咁呢﹐另外一個問題就係﹐要有一個好劇本。呢個先至係最重要。找到一個好劇本﹐咁你諗後面其他的野﹐都係容易D既。。你有個大方向丫嘛。

顏﹕既然在你的腦海裡面有一個咁的IDEAL﹐想做一個MUSICAL。。

梅﹕咁當然。

顏﹕咁你當然在你的週圍你會經歷到一D會令你刻骨銘心的。。嘩﹗正﹗或者飄過某D既故仔呀﹐某D的人物呀。

梅﹕某D的人物﹐某D既故仔﹐唔難呀﹐即係你點樣去將佢串連晒係好難﹗我地講緊既係一個好小“chut"(a very small portion of)﹐又或係﹐一個愛情故事。但一個愛情故事你要由頭到尾﹐係兩個鐘頭﹐又或係兩個半鐘頭﹐點樣去將佢串連左佢。你唔係十五鐘的野丫嘛。唔係話二十分鐘的野丫嘛。所以話呢D都係一個幾大的一個問題﹐同埋呀。。你認為你感動的野﹐咁樣﹐你點樣去感動到人。呢個先至係緊要。

顏﹕你又點樣睇當年張學友的雪狼湖呢﹖

梅﹕當年的所有的經濟環境呢﹐都比而家優先(勝)。即係比而家係優厚好多的。當年可以OFFER得起的野﹐而家未必得。

顏﹕呢個就係你的評價﹖

梅﹕唔係評價。但係我覺得個機會率會比而家好好多囉。

顏﹕但係如果你覺得係音樂上呢﹖即係好似比如話係香港的舞台藝術上﹐在流行曲上﹐張學友都。。

梅﹕佢都有ER。。雪狼湖都係帶出左一個幾大的信息比大家。即係話﹐其實係可以咁樣做。咁我睇完佢那個呢﹐其實真係比我﹐其實一個幾大的啟發囉。我都覺得呀。。既係佢都好大膽地去嘗試用一樣野﹐咁呢個都係一個好的開始囉。

顏﹕講緊的就係張學友的雪狼湖﹐雪狼湖裡面的就有張學友(梅﹕笑)識左梅艷芳好耐。(梅﹕十幾年喇﹗) 咁究竟張學友心目中有D咩問題想問梅艷芳呢﹖

張學友﹕我覺得佢辛苦架。即係講私人生活﹐因為我自己就識佢啦下﹐又熟佢架啦下。我覺得佢自己辛苦架囉呵。你感情大家知啦﹐好多波波折折咁樣樣。佢選擇果個方式又係自己辛苦架我自己覺得。咁但係可能因為佢早出道﹐又早成名﹐咁又好﹐好快就已經成名﹐咁變左係好多人的心目中佢有一定的威嚴咁樣的其實。咁我見新佢就阿姐阿姐咁樣既。其實佢仲細過我﹗但其實我見到佢個陣時﹐我都覺得想叫佢阿姐既咁樣﹐你知唔知呀﹐咁樣變左好辛苦囉﹐你知道。。我唔係幾好意思問你囉﹐例如佢究竟鐘意邊個男仔囉﹐我唔多講。(笑)

梅﹕(笑)

顏﹕首先你答左佢先。

梅﹕咩呀﹖(笑得十分開心)

顏﹕你鐘意邊個男仔呀﹖

梅﹕而家冇LU WOR。呀唔係唔係。有。碧涵(BECKHAM)﹗(倆大笑)

顏﹕OR。。OK﹗SPORTY下。但係你咪又介乎兩者之間﹖

梅﹕咩咩兩者之間呀﹖

顏﹕人地有老婆丫嘛﹗

梅﹕哦﹗唔係﹗鐘意者﹗唔係一定要擁有架丫嘛﹗

顏﹕但佢話你選擇的方式係辛苦架丫喎。

梅﹕唔係我想既﹗

顏﹕咁我想知道﹐我好想知道﹐佢所講的方式的內容係D咩方式呢﹖

梅﹕我諗佢係ER者係成日都要去做照顧人那個囉﹗即係我成日都希望大家會舒服﹗咁咪變左我做野做左好多囉﹗(大笑)咁我諗學友佢登我辛苦就係佢成日見到我﹐下。。點解坐底點菜那個又係佢﹐係囉﹐(笑著說)拉門那個又係佢﹐都係我做晒﹗ER。。可能係佢的心目中﹐佢認為﹐其實女仔唔使做咁多野者。我唔知呢﹗我真係我天生係男人性格。我唔想開門架。不過我覺得度門終有一日要(大笑)找人開的嘛﹗咁咪﹐反正我都要開門架洛。咁咪開左道門比人入左先囉﹗

顏﹕而家都係﹐性格都係咁﹖

梅﹕冇辦法架。。性格呀。。江山易改呀。。我成日都話﹐我唔想做到咁洛。

顏﹕咁呢個咪矛盾囉﹗有陣時有D野﹐我地真係好想。。安穩啦﹐又唔好話舒服。。安穩的感覺啦。者係朋友又好﹐即係﹐男朋友又係咁啦。咁但係有時﹐我地累都想AYE(依傍)下架喎﹗

梅﹕係﹗

顏﹕咁咪即係矛盾﹖﹗

梅﹕咁咪係屋企AYE落張梳化 (SOFA)度好過囉﹗(大笑)那個﹐那個就真係。。那個唔會有投訴的張梳化。冇聲出架。

顏﹕其實。。小鳳姐既歌﹐係好耐之前唱過。。

梅﹕我咪個陣時第一首參賽唱的歌。

徐小鳳﹕我想問佢每日食幾多野﹖我想跟佢學下野﹗我都好想好似佢咁瘦囉﹗

顏﹕不過你曾經提過吃肥過架丫嘛﹗

梅﹕我肥過一百二十八磅呀。我瘦的原因絕對唔係因為我食野的問題。係因為壓力呀。我成日都話D﹐D﹐D﹐ER。。好得閒的女士呢(笑)成日話點樣去減肥﹐唔使呀﹗你試下比多D壓力你自己丫﹐你自自然然會瘦架喇﹗

顏﹕但係壓力令人易者播。。

梅﹕唔係既。。或者會令到個人積極D呢。。

顏﹕今KEEP得咁好﹐係咪有個D咩面模呀﹐塗呢隻個隻呀。。

梅﹕ER。。仲未需要﹗

顏﹕係咪不停咁食燕窩呀﹖有冇呀﹖有呀。。

梅﹕間中啦。。

顏﹕得既。係唔係好得的﹖

梅﹕都幾有校(It's quite effective!)架喎﹗

顏﹕係呀﹐仲有D乜用呀﹖

梅﹕ER。。即係無乜特別呀。我諗係一個人的心境啦﹗如果我一路KEEP住呢。積極﹗

顏﹕你而家個壓係點度呀﹖

梅﹕我話比你知冇就假的。

顏﹕係來自邊度﹖

梅﹕四方入面。來自係自己個責任心太重啦。。(*顏﹕你需要負責D咩野﹖) 我有演藝人協會在身啦。又有我公司在身啦。咁呀﹐我對於我自己既﹐我媽媽﹐屋企呀﹑家庭﹐我好有責任啦。我有好多野﹐唔知係D乜野﹐但個社會又。。我都係一分子來的嘛﹐咁都係有責任架。

顏﹕咁但係會唔會分擔到﹖

梅﹕分擔唔到。

顏﹕究竟你希唔希望可以找到個可以同你去分擔到的﹖又或是你曾經有過﹐但係都覺是﹐你親力親為會好D呢﹖

梅﹕如果唔岩KEY的話就真係唔制喇。(笑)講完之後可能佢諗緊第二樣野咁仲死﹗咁我覺得如果解決到的﹐我情願一個人去解決囉。

<<芳心話(三) 完>>

View My Guestbook :: Sign My Guestbook